الفنان الراحل عزت أبوعوف خرج بتصريح أثار ضجة وقتها لما وصف أفلام عادل إمام بالتفاهات وقال إنه قدم الأفلام دي عشان الفلوس وبس
كمان الفنان فاروق الفيشاوي اللي شارك عادل إمام أكتر من عمل زعل جدا لما عادل إمام قال "اللى عاوز يعرف تاريخ مصر يتفرج على أفلامي
رد الفيشاوي على الجملة دي وقال إن مصر أكبر من تاريخ عادل إمام، والسينما بأكملها، هل فيلم الهلفوت وفيلم عنتر شايل سيفه فيها تاريخ مصر ده غير مقبول،
مصر أكبر منك ومن أفلامك
.
الفنان محمود ياسين برضه هاجم عادل إمام اللي طلب منه إنه يشاركه بطولة مسلسل العراف ولما وافق محمود ياسين فوجئ الوسط الفني بانسحابه وكان السبب تعديلات على السيناريو شاف إنها بتقلل منه
..
جه الفنان حسين فهمي مكان محمود ياسين وحصلت خلافات برضه بين الاتنين وهي خلافات قديمة من وقت ما شاركوا بعض فيلم اللعب مع الكبار واتوترت العلاقة بين الاتنين.
كمان خرج الفنان الراحل طلعت زكريا وقال إن عادل إمام أهانه بشدة بعد ما حذف نص دوره في مسلسل العراف واتعامل معاه كممثل مبتدئ وقال زكريا إنه مش ح يشتغل معاه مرة تانية ومش بس كدة قال زكريا إن عادل إمام مش بيحب إلا نفسه بس ومش عايز حد غيره يظهر حتى لو كان صديقه
.
برضه الفنانة نجلاء فتحي اللي اشتغلت مع عادل إمام خرج لها تسجيل صوتي بتهاجم فيه عادل إمام وبتتهمه بالفساد وانتشر التسجيل ده بشكل كبير على وسائل التواصل الاجتماعي وعمل ضجة كبيرة.
الفنان رشوان توفيق وخلال استضافته في أحد البرامج رفض تسمية عادل إمام بالزعيم وقال مش علشان عمل مسرحية الزعيم نقوم نطلق عليه لقب الزعيم، لكنه رجع وقال إن عادل إمام فنان على أعلى مستوى
أما التصريح الاكتر جرأة فكان من الفنان صالح العويل وهو واحد من أشهر كومبارسات السينما المصرية لما قال إن عادل إمام متكبر وأناني وإنه قام بضربه في مشهد من فيلم عصابة حمادة وتوتو مع إن المخرج طلب إن الضرب ما يكونش حقيقي
وقال الفنان محمد أبوالحسن أن عادل إمام مش بيحب يشتغل مع أي إنسان كان بيساعده في بداية مشواره عشان الانسان ده ما يفكروش بحياته البسيطة قبل الشهرة
الفنان محمد لطفي قال إنه اعترض على سيناريو مسلسل مأمون وشركاه وراح لعادل إمام عشان يشرحله اسباب اعتراضه لكن فوجئ بعادل إمان بيقوله "انت تشتغل من غير ما تعترض أي شخص يتمنى يشتغل معايا" وقال لطفي إنه ما اسكتش ورد على عادل إمام وانتقد شغله واتحول الموضوع لخناقة كبيرة لغاية ما تدخل المنتج تامر مرسي عشان يلم الموضوع
تعليقات بلوجر
تعليقات فيسبوك